Britaniyanın İnternet reklamı 2007-ci ildə bazarın 19%-i ələ keçirərək həcmə görə teleefir reklamını geridə qoyub. Ofqom telekommunikasiya tənzimləyici orqanın məlumatına görə, ötən il böyük Britaniyada onlayn reklamına dair xərclər 40% yüksələrək 2,8 milyard funt sterlinqə çatıb.

Rusiya hakimiyyəti çərşənbə günü Qərb jurnalistlərindən ibarət qrupun Tsinvaliyə səfərini təşkil ediblər. Qrupun tərkibində olan Britaniyanın The Guardian qəzetinin müxbiri Tom Parfitin sözlərinə görə, jurnalistlər öz gözlərilə Gürcüstan artilleriya tərəfindən dağıdılmış şəhər və ətraf əraziləri görüb, bu müddət ərzində zirzəmilərdə ac və susuz qalan sakinlərlə söhbət ediblər.

Britaniyanın The Times nəşrinin beynəlxalq icmalçısı Dmitri Medvedyevi Vladimir Putinin «əlaltısı» adlandırıb. Yazı müəllifinin fikrincə, son beş gün Rusiyanın əslində kim tərəfindən idarə olunması sualına cavab verib.

Ötən gün Rusiya hərbçilərinin Gürcüstanda Türkiyə jurnalistlərini döyüblər. «Day.az» saytı «Azadlıq» radiosuna istinadən xəbərin hazırda Gürcüstanda olan Rusiya Ekstremal Jurnalistika Mərkəzinin rəhbəri Oleq Panfilovdan gəldiyini bildirir.

Masallı rayonu Ərkivan kəndinin sakinində «O olmasın, bu olsun» filmində Məşədi İbadın istinad etdiyi «Tarixi-Nadir» kitabının nüsxəsi aşkar edilib.

Gürcüstanda atəş altına düşən Hollandiyanın RTL telekanalının operatoru həlak olub. Bu haqda telekanalın saytında yerləşdirilmiş məlumatda bildirilir.

Amerikanın Tbilisidəki səfirliyi Tsinval regionunda gedən hərbi əməliyyatlar zamanı yaralanmış ABŞ vətəndaşının jurnalist Uinston Fezerli olduğunu dəqiqləşdirib. Qeyd edək ki, məlumatı «Novosti-Qruziya» informasiya agentliyi yayıb.

«Ekspert-Online» saytı avqustun 10-da Gürcüstanda itkin düşmüş «Ekspert» jurnalının fotoqrafı Vyaçeslav Koçetkov və «Russkiy reportyor» jurnalının müxbiri İqor Naydyonovun tapıldığını xəbər verir.

Qazeta.ru avqustun 10-da Tsinvalidə Türkiyə jurnalistinin yaralandığını xəbər verir. İstanbuldan olan 33 yaşlı Quray irvin Sekints mina partlayışından zərər çəkib. Yaralıya ilk tibbi yardım Cənubi Osetiyanın həkimləri tərəfindən göstərildikdən sonra o, özünü Şimali Osetiyaya çatdıraraq klinik xəstəxanaya müraciət edib.

Gürcüstan-Osetiya münaqişəsi zonasında jurnalistlər Aleksandr Klimçuk və Qriqol Çixladze həlak olub. «Russkiy Newsweek» jurnalının müxbiri Orxan Camalın «Exo Moskvı» radiostansiyasının efirində dediklərinə əsasən, jurnalistlər Cənubi Osetiyaya Gürcüstan ordusu ilə daxil olmuşlar.

«İnterfaks» xəbər verir ki, «Amerikanın səsi» radiosu gürcü dilində yayım həcmini artırır.

Avqustun 9-dan Gürcüstan ərazisində bütün Rusiya telekanallarının yayımını dayandırır. «Vesti» telekanalının cümə günü axşam yaydığı məlumata görə, qərar Gürcüstan Milli Təhlükəsizlik Şurasının katibi Aleksandr Lomayanın sözlərinə görə, son günlər Rusiya KİV-in Gürcüstana qarşı apardıqları «informasiya müharibəsi»nə cavab olaraq çıxarılıb.

ABŞ prezidenti Corc Buşu Pekin Olimpiadasına müşayiət edən mətbuat xidməti üç saat ərzində hava limanının gömrükxanasında saxlanılıb. Bu haqda cümə günü Associated Press agentliyi xəbər verir.

Haaretz qəzeti «Əl-Cəzirə» telekanalının Livan döyüşçüsü Samir Kuntar haqqında verilişə görə İsraildən üzr istədiyini xəbər verir.

CNN saytı amerikalıların əksəriyyətinin ABŞ prezidentliyə namizədlərin seçkiqabağı kampaniyasının kütləvi informasiya vasitələri tərəfindən qeyri-bərabər şəkildə işıqlandırılması qənaətində olduqlarını yazır.