ATƏT-in Demokratik Təsisatlar və İnsan Haqları Bürosunun Azərbaycanda prezident seçkisinin gedişini izləyəcək missiyasının rəhbəri, səfir Boris Frlets və missiyanın media üzrə təhlilçisi Rasto Kuzel ötən gün İctimai Televiziya və Radio Yayımları Şirkətinin baş direktoru İsmayıl Ömərovla görüşüb.

İraqda «Əl-Şarkiya» telekanalının çəkiliş qrupu qətlə yetirilib. İraqın «Əl-Şarkiya» telekanalının dörd əməkdaşı ölkənin şimalındakı Mosul şəhərində silahlanmış şəxslər tərəfindən oğurlanaraq qətlə yetirilib. Bu haqda France Presse agentliyi xəbər verir.

Britaniyanın «The Telegraph» qəzeti yazır ki, Rusiyanın xarici işlər naziri Sergey Lavrov britaniyalı həmkarı Devid Milibendlə telefon danışığında nalayiq ifadələr işlədib.

«İnterfaks» agentliyi xəbər verir ki, Şimali Qafqaz müsəlmanlarının koordinasiya mərkəzi Rusiya Federasiyasının Baş Prokurorluğuna "2x2" telekanalının dərhal bağlanması xahişi ilə müraciət ediblər.

Dünyada Uorren Baffetdən sonra ən varlı adam sayılan Meksika milyarderi Karlos Slim The New York Times gündəlik qəzetin naşiri The New York Company şirkətinin səhmlərinin 6,4%-ni alıb. Bunu BBC News xəbər verir.

Bakının Yasamal rayon məhkəməsində hakim Elçin Qurbanovun sədrliyi ilə millət vəkili Bəxtiyar Əliyevin Baş Dövlət Yol Polisi İdarəsi və AzTV telekanalına qarşı iddiasına baxılır. Bunu Day.az saytı Reportyorların Azadlığı və Təhlükəsizliyi İnstitutuna istinadən bildirir.

Sentyabrın 9-da axşam «Alibi» qəzetinin (indi «Açıq siyasət» adı ilə çıxır) baş redaktoru olmuş müxalifət jurnalisti Babırbek Ceyenbekov saxlanılıb. Bu xəbəri "Central Asian News" informasiya agentliyi yayıb.

Avqustun 8-də Gürcüstan-Osetiya münaqişəsi zonasında Rusiya sülhməramlıları tərəfindən həbs edilən Polşanın TVP telekanalının iki jurnalisti azad olunub. Qeyd edək ki, məlumatı AFP agentliyi yayıb.

Çərşənbə günü AFP agentliyi «Əl-Ərəbiyə» telekanalının İraq bürosunun başçısına qarşı sui-qəsdin olduğunu xəbər verib.

The New York Post nəşri ABŞ-da keçiriləcək prezident seçkilərində respublikaçı Con Makkeynin namizədliyini dəstəkləyib. Qəzetin 9 senyabr sayı bu seçimi izah edən uzun redaksiya sütunu ilə çıxıb.

«Azadlıq» qəzetinin əməkdaşı Mirzə Sakit 14 saylı islah-əmək müəssisəsinin rəisini məhkəməyə verib. Day.Az Reportyorların Azadlığı və Təhlükəsizliyi İnstitutuna istinadən məlumatın nəşrin baş direktoru Azər Əhmədovdan daxil olduğunu xəbər verir.

«İnterfaks» sentyabrın 8-də Gürcüstan-Cənubi Osetiya münaqişəsi zonasında Rusiya sülhməramları tərəfindən iki Polşa jurnalistinin saxlanıldığını bildirir. Jurnalist Dariuş Boxatkeviç, və TVP telekanalının operatoru Marsin Vesolovski və gürcü sürücüsü Cənubi Osetiyanın paytaxtı Tsinvali və Gürcüstanın Qori şəhəri arasındakı karaleti kəndi yaxınlığında saxlanılıb. Polskie Radio hadisənin sülhməramlılara aid zonada baş verdiyini bildirib.

RİA Novosti xəbər verir ki, "Russia Today" telekanalının rusiyalı jurnalistləri ABŞ-ın CNN telekanalından olan həmkarlarını Cənubi Osetiyadakı hadisələrin işıqlandırılması zamanı kadrları saxtalaşdırmaqda qınayıblar.

NTV teleşirkəti Anton Xrekovun «Qlavnıy Qeroy» proqramı çərçivəsində Maqomed Yevloyev haqqında süjetin nümayişini təxirə salıb. Süjetin efirə nə vaxt gedəcəyi haqqında məlumat verilməsə də, «texniki səbəblər» göstərilir.

Sentyabrın 1-4-də Minnesota ştatının Sent-Pol şəhərində keçirilmiş ABŞ-ın Respublikaçılar partiyasının seçkiqabağı qurultayını televizor vasitəsilə orta hesabla 34,5 milyon tamaşaçı izləyib. Associated Press agentliyinin Nielsen Media Research şirkətinin məlumatına istinadən yaydığı xəbərə görə, bu, televiziya tarixində siyasi partiyanın qurultayı üçün rekord göstəricidir. 25-28 avqust tarixində Kolorado ştatının Denver şəhərində keçən Demokratik partiyanın qurultayını isə orta hesabla 30,2 milyon tamaşaçı izləyib.